Antes do pitido inicial gardouse un minuto de silencio polo falecemento da nai de Julio, delegado dos Cadetes. Dende aquí queremos mandar unha aperta a toda a familia, e por suposto: Todos e cada un dos 8 goles son para ti Julio! Ánimo.
O encontro comezou bastante apagado, sen moitas ocasións e coa posesión sen ter un dono claro.
Unha volea de Jose Luis, un tiro de Brais no rexeite dun córner e un remate de cabeza de Sergio foron as ocasións máis claras na primeira media hora.
Pero finalmente, a 10 minutos para o descanso, Jose Luis cun tiro raso dende o borde da área facía o primeiro para o Verín.
Pouco despois, logo dunha falta colgada por Brais, Ángel recollería o balón e cun tiro axustado por enriba do porteiro faría o 2-0. Con este resultado chegaríamos ó descanso.
Na segunda parte, coa entrada no campo de Pepe, Félix, Antonio e Álvaro o partido cambiaría radicalmente e comezaría o recital local... Ou mellor dito: o recital de Álvaro.
Primeiro, Antonio pon unha falta na área, e Brais co peito deixa para que Álvaro coloque o 3-0 no marcador.
Pouco despois, de novo Álvaro, recolle un balón na frontal e cun tiro forte e raso bate ó porteiro facendo o 4-0.
No minuto seguinte, Edu fai unha gran xogada persoal e pon o balón na área, este é recollido por Pepe que deixa atrás para que Álvaro empuxe a gol: 5-0.
Pero a cousa non quedaría ahí, xa que a 15 minutos para o final do encontro, Antonio pon unha falta na área, e Álvaro (para variar) facía o 6-0.
O quinto na conta persoal do dianteiro chegaría nun man a man que define á perfección: 7-0.
Finalmente, e para por o broche ó partido, Brais fai un desplazamento en longo para Sergio; este controla, xírase e cun forte tiro dende fora da área pon o balón na escadra.
Co 8-0 remataría o encontro!
Importantísima victoria dos Cadetes que con estos 3 puntos chegan líderes ó partido coa Rúa. Será un duelo definitivo, xa que o que consiga gañar farase co título de liga... No caso dun empate todo quedará pendente para a última xornada. Confiamos neste equipo, e sabemos que van dar o máximo no partido. Moita Sorte!
No hay comentarios:
Publicar un comentario